SOMOS VIÑO

Tes pensado vir á comarca de Monterrei neste mes de agosto?

Por se non o sabes, os días 9,10 e 11 celebraráse a 17ª feira do viño Monterrei na alameda de Verín; alí atoparás moitas casetas das adegas da Denominación de Orixe do viño na comarca nas que poderás probar os viños, falar de viño, maridar… e haberá festa para tres días de diversión e enoloxía, que aquí ten como “rei” o godello.

Eu propóñoche completar a túa estadía e coñecer a contorna, con visitas guiadas que che axudarán a descubrir e comprender que, nesta comarca, somos auga, viño, camiño e historia dende hai milleiros de anos.

Para o venres 9 de agosto, visita na adega Gargalo (concello de Verín).

Comezamos ás 12,15 h. (recomendamos a visita ó castelo que comeza ás 11,00 h. a escasos 100 metros. Alí podes gozar durante 1 hora dunha visita con guía oficial do concello de Monterrei, de balde e, ó remate desta, terás tempo para vir á actividade de enoturismo en Gargalo)

Punto de Encontro e Final: entrada da adega Gargalo, na estrada que vai casa o castelo; hai aparcamento dentro para uns cantos coches)

Duración 2 horas

Percorrido: viñedos e instalacións da adega Gargalo

Con quen?: con Rosa Veiga, guía oficial de turismo

Máximo 15 persoas

Prezo: 12 euros/ persoa (consultar para menores de idade)

Organizadores: Milhistorias, turismo e fotografía e Bodega Gargalo

Coa colaboración de Turismo rural O Retiro do Conde (Vilaza), Taberna Sousón (castelo de Monterrei), Restaurante Regueiro da Cova (Verín)